ՆԱԽԱԲԱՆ

Տուն կառուցելը միշտ էլ հետաքրքիր պահ է յուրաքանչյուր ընտանիքի համար: Սակայն, միևնույն ժամանակ, սա շատ երկար և աշխատատար գործընթաց է, որը պահանջում է մեծ ջանք և գումար։ Այդ իսկ պատճառով, որոշելով սեփական տուն կառուցել, մեզանից յուրաքանչյուրը ցանկանում է, որ ապագա կառույցը լինի որակյալ, դիմացկուն և հարմարավետ իր բոլոր բնակիչների համար։ Շինարարական ընկերություն ընտրելը հեշտ գործ չէ, բայց հնարավոր է: Այս հոդվածում մենք կքննարկենք, թե ինչ չափանիշների վրա պետք է կենտրոնանալ կապալառու փնտրելիս: Վերջում կլինի շինարարական ընկերության ընտրության մանրամասն ստուգաթերթ, որը կօգնի խուսափել հնարավոր սխալներից, ինչպես նաև խնայել ժամանակ և գումար:

Ի՞ՆՉ ՀԱՇՎԻ ԱՌՆԵԼ ՇԻՆԱՐԱՐԱԿԱՆ ԸՆԿԵՐՈՒԹՅՈՒՆ ԸՆՏՐԵԼԻՍ

Որպես կանոն, կապալառուի որոնումը սկսվում է օնլայն հարթակներում կազմակերպությունների կամ անհատների կայքերի ուսումնասիրությամբ: Բայց դուք պետք է հասկանաք, որ գեղեցիկ էջերի ու նկարագրությունների հետևում կարող են թաքնված լինել ոչ կոմպետենտ կատարողներ։

Կապալառուներ գտնելու համար, որոնց կարելի է վստահել տուն կառուցելու համար, դուք պետք է գնահատեք մի քանի չափանիշներ.

1. ՇԻՆԱՐԱՐԱԿԱՆ ԲՐԻԳԱԴ ԹԵ՞ ԸՆԿԵՐՈՒԹՅՈՒՆ

Յուրաքանչյուր մարդ ունի իր մոտեցումը տներ կառուցելու հարցում, բայց այս կամ այն ​​կերպ մենք բոլորս պետք է ընտրենք, թե ով է անելու աշխատանքը՝ շինարարական ընկերությո՞ւն, թե՞ մասնավոր բրիգադ։ Սովորաբար.

շինարարական ընկերությունները

• ունենում են բարձրակարգ սպասարկում,
• ապահովում են երաշխիք,
• խնայում են նյութերը,
• ապահովում են որակ,
• ունեն վերահսկողության համակարգեր,
• հիմնականում կրում են պայմանագրային պարտավորություններ:

մասնավոր բրիգադները

• հիմնականում չեն տրամդրում երաշխիքներ,
• վերահսկողությունը պետք է կատարեք ինքներդ,
• հիմնականում չեն կրում են պայմանագրային պարտավորություններ:

2. ՇԻՆԱՐԱՐԱԿԱՆ ԸՆԿԵՐՈՒԹՅԱՆ ՇՈՒԿԱՅՈՒՄ ԵՂԱԾ ՏԱՐԻՆԵՐԻ ՔԱՆԱԿԸ ԵՎ ԿԱՌՈՒՑՎԱԾ ՕԲՅԵԿՏՆԵՐԻ ՔԱՆԱԿԸ

• Կապալառուի կամ անհատների փորձը բնակելի շենքերի կառուցման գործում ընտրության կարևոր գործոնն է: Ցանկալի է, որ այն լինի առնվազն հինգ տարի։,
• ծանոթացեք շինարարական ընկերության կատարված աշխատանքներին՝ ուսումնասիրեք նկարները: Այցելեք ընթացիլ շինարարական հրապարակ և տեղում ծաոնթացեք շինարարական աշխատանքների որակին:

3. ԾԱՆՈԹԱՑԵՔ ՊԱՏՎԻՐԱՏՈՒՆԵՐԻ ԿԱՐԾԻՔՆԵՐԻՆ

Ընկերությունը, որը գնահատում է իր հեղինակությունը, միշտ բաց է և պատրաստ է կազմակերպել այցելություն կամ հաղորդակցություն ընթացիկ հաճախորդի հետ:

4. ՇԻՆԱՐԱՐԱԿԱՆ ԱՇԽԱՏԱՆՔԻ ԱՐԺԵՔԸ

Ցածր գները միշտ կասկածներ են առաջացնում և պատճառ են հանդիսանում այլ կապալառուներ փնտրելու: Ուստի փորձագետները խորհուրդ են տալիս մի փոքր հետազոտություն անցկացնել և գնահատել տարբեր բրիգադների և շինարարական ընկերությունների կողմից աշխատանքների կատարման արժեքը:

Ինչպե՞ս կարող եք համեմատել գները: Նախ, նախնական նախագիծ ուղարկեք տարբեր շինարարական ընկերություններին և ստացեք նախնական ծախսերի նախահաշիվ: Արդեն այս փուլում դուք կարող եք շատ բան ասել ապագա կապալառուի մասին: Նախ, թե որքան արագ են նրանք պատասխանել ձեր խնդրանքին, և երկրորդը, թե ինչ ձևով է կատարվել նախահաշիվը՝ ընդհանուր մոտեցումներով, թե՞ ապրանքների գներով: Երկրորդ տարբերակում ընկերությունը ավելի մանրամասն է մոտենում հաշվարկին, ինչը նշանակում է, որ հաճախորդը տեսնում է նյութերի իրական ծախսերը։

Աշխատանքի համար վճարումը սովորաբար կատարվում է կանխավճարի և վերջնական վճարի հիման վրա՝ պատրաստի օբյեկտի կառուցումից հետո: Տան կառուցման յուրաքանչյուր փուլի համար կարելի է վճարել՝ հիմքը լցնել, շրջանակի տեղադրում, արտաքին և ներքին հարդարում և այլն։ Աշխատանքի յուրաքանչյուր տեսակի արժեքը հաշվարկվում է տարածաշրջանում միջին արժեքի հիման վրա:

Շուկայում գները մեծապես տարբերվում են և հետևաբար, պետք չէ շտապել ու վազել էժան կատարողների հետ բանակցելու համար։ Այս սխալը կարող է ձեզ գումար արժենալ: Եթե ​​տան ապագա սեփականատերը ընտրի մասնավոր բրիգադ, ապա շինանյութերի գնման և պատրաստի տան ընդունման վերահսկողությունը պետք է իրականացվի ինքնուրույն: Պետք չէ 100%-ով վստահել անհատ շինարարներին։

Մասնագիտական ​​շինարարական ընկերությունները ճշգրիտ գներ չեն նշում, քանի որ դրանք ձևավորվում են մշակված նախագծի և նախահաշվի հիման վրա։ Նույնիսկ ստանդարտ նախագծեր են առաջարկվում ինդեքսային գներով, որոնք հարմարեցված են հաճախորդի ցանկություններին և նախասիրություններին:

Անհնար է խնայել նախագծի վրա, անցանկալի է խնայել նյութերի վրա, անընդունելի է խնայել մարդկանց վրա: Հաշվի առեք նաև, որ շինարարական ընկերություններն ունեն լայֆ հաքեր՝ օրինակ շատ շինարարական ընկերություններ շինանյութ գնում են մեծածախ գներով, սակայն ձեզ ներկայացնում՝ մանրածախ գներով, որոնք ավելի թանկ են:

5. ՊԱՅՄԱՆԱԳՐԻ ԿՆՔՈՒՄ

Փաստաթղթային, այլ ոչ թե բանավոր պայմանագիրը պաշտպանում է ինչպես հաճախորդի, այնպես էլ կատարողի իրավունքները: Այսպիսով, եկեք նշենք, որ բարեխիղճ հաճախորդները սովորաբար տուժում են անբարեխիղճ կապալառուներից, իսկ բարեխիղճ կապալառուները տուժում են անբարեխիղճ հաճախորդներից: Ուստի ավելի լավ է հետևել սկզբունքին՝ վստահել, բայց ստուգել, ​​և պայմանագիրն ավելի արժեքավոր է։

• Եթե ​​դուք ընտրում եք փորձառու շինարարական ընկերություն, ապա դուք չեք կարող շինարարություն սկսել առանց պայմանագիր կնքելու, սա պարտադիր ընթացակարգ է, և գործընթացը ավտոմատացված է:
• Եթե ​​դիմեք մասնավոր բրիգադին, անգամ եթե կատարողը անհատ ձեռներեց է, միջադեպերի դեպքում նրանից դրամական միջոցներ հավաքելը խնդրահարույց, ավելի ճիշտ՝ անհնար կլինի։

ՇԻՆԱՐԱՐԱԿԱՆ ԱՇԽԱՏԱՆՔՆԵՐԻ ՏԵԽՆԻԿԱԿԱՆ ՀՍԿՈՂՈՒԹՅՈՒՆ ԿԱՄ ՍՏՈՒԳՈՒՄ

Հաճախորդը պետք է վստահ լինի, որ.

• բոլոր շինարարական աշխատանքները կատարվում են պատշաճ և ժամանակին,
• ծախսերը համընկնում են նախահաշվում նշվածներին,
• նյութերի որակը համապատասխանում է պահանջներին:

Դուք կարող եք ինքներդ վերահսկել տուն կառուցելու գործընթացը՝ այցելելով շինհրապարակ կամ ստանալով կապալառուից տեսա և ֆոտոռեպորտաժներ: Շատ շինարարական ընկերություններ շինհրապարակում տեղադրում է տեսահսկման տեսախցիկ՝ դիտելու հասանելիությամբ։ Այս կերպ պատվիրատուն կարող է շատ ժամանակ խնայել առանց շինհրապարակ այցելելու, բայց լիարժեք հասկանալով, թե ինչ է կատարվում.

ՇԻՆԱՐԱՐԱԿԱՆ ԸՆԿԵՐՈՒԹՅԱՆ ԸՆՏՐՈՒԹՅԱՆ ՍՏՈՒԳԱԹԵՐԹ ( CHECK LIST )

Փորձ և հնարավորություններ

• Որքա՞ն ժամանակ է ընկերությունը գտնվում շինարարական շուկայում,
• կառուցված տների քանակը,
• հավաստագրված շինարարական տեխնոլոգիաների օգտագործումը,
• մասնակցություն խոշոր նախագծերին,
• ընկերության գործընկերները,
• ավարտված տները դիտելու հնարավորություն,
• ընթացիկ շինհրապարակ այցելելու հնրավորություն:

Նախագծում

• Անձնակազմում նախագծման փորձ ունեցող մասնագետների առկայությունը
• գրասենյակում անձամբ շփվելու հնարավորություն,
• ավարտված աշխատանքը դիտելու հնարավորություն,
• այլ օբյեկտների համար նախագծեր ուսումնասիրելու հնարավորություն,
• տարբեր մասնագետների հետ շփվելու հնարավորություն ( ինժեներական հաղորդակցություն, դիզայներ, լողավազանի պատրաստման մասնագետներ, պատշարներ և այլն ),
• ցանկալի է, որ բոլոր մասնագետները աշխատեն համակարգչային նույն նախագծային ծրագրով՝ Revit կամ Archicad:

Շինարարություն

• Շինարարական նորմերին և կանոններին համապատասխան շինարարության իրականացում,
• շինարարական հրապարակի կոմպլեկտացիան և շինանյութի մատակարարումը,
• շինարարության կառավարման ավտոմատացված համակարգերի կիրառումը,
• անկախ տեխնիկական վերահսկողության իրականաումը,
• ծրագրի ղեկավարի ( մենեջերի ) առկայությունը,
• շինարարության ընթացքի մասին օնլայն հաշվետվության առկայությունը,
• երաշխիքներ:

ԵԶՐԱԿԱՑՈՒԹՅՈՒՆ

Տունը կառուցող ընկերության ընտրությանը պետք է մոտենալ պատասխանատվությամբ։ Կապալառուի նախնական գնահատումը թույլ կտա խուսափել ջանքերի, ժամանակի և գումարի մեծ ծախսերից ինչպես կառույցի կառուցման, այնպես էլ դրա շահագործման ընթացքում:

Սույն հոդվածը ընթերցելուց հետո դուք ավելի շատ եք տեղեկացված շինարարական ընկերություն ընտրելու վերաբերյալ և հուսով ենք, որ ներկայացված տեղեկատվությունը ձեզ օգտակար կլինի: Խնդրում ենք նաև հիշել և ձեր երազանքի տունը կառուցելուց հետո ( BR ) BizRatings.online կայքում հայտնել ձեր կարծիքը շինարարական ընկերության մասին, որի համար ( BR ) BizRatings.online -ը նախապես հայտնում է

ՇՆՈՐՀԱԿԱԼՈՒԹՅՈՒՆ

Համոզված եղեք, որ ձեր կարծիքը շատ կարևոր և էական է: Դուք.

• նախ՝ կօգնեք ձեր ընկերներին ու համաքաղաքացիներին նույնպես կատարել ճիշտ ընտրություն և
• միաժամանակ կօգնեք շինարարական ընկերություններին վերացնել առկա թերությունները, եթե այդպիսիք կլինեն:

Եվ եթե այս հոդվածը օգտակար էր ձեզ համար և օգնեց ձեզ, ապա կիսվեք ձեր ընկերների և հարազատների հետ:

Էջի Ասույթը

Շենքը պետք է իր լավագույն տեսքը ունենա, երբ շինարարությունն ավարտվի

 — Անայտ Հեղինակ