1. Ապակե փաթեթ,

2. Շտապիկ,

3. Փեղկի պրոֆիլ,

4. Փեղկի մետաղական պրոֆիլ,

5. Ռեզին,

6. Պրոֆիլ փոշու դիմաց,

7. Շրջանակի պրոֆիլ,

8. Շրջանակի մետաղական պրոֆիլ,

9. Նախապես սեղմված ինքնաընդարձակվող ժապավեն,

10. Տակդիրային կամ պատուհանագոգային պրոֆիլ

Ապակե փաթեթ — կազմում է պատուհանի ընդհանուր արժեքի մոտ 20% -ը

Կախված հաճախորդի կարիքներից, ապակե փաթեթները կարող են լինել 20-ից 50 մմ հաստությամբ երկու կամ երեք ապակիներով: Ցանկության դեպքում մեկ, երկու կամ երեք ապակիներն ել կարող են ունենալ ավելի մուգ գույներ, իսկ ապակիների միջև լցված լինի իներտ գազով, ինչը բնականաբար, կավելացնի ապակե փաթեթի, հետևաբար նաև պատուհանի գինը:

Եթե ​​ցանկանում եք գումար խնայել, եռաշերտի փոխարեն կարող եք ընտրել երկշերտ ապակե փաթեթ, ինչը կարող է ընդհանուր պատուհանի գինը նվազեցնել մինչև 15 %:

Մետաղապլաստե Պրոֆիլ — պատուհանի արժեքի 40 %

Շրջանակի պրոֆիլը պատուհանի կառուցվածքի հիմնական տարրն է: Հուսալի և ամուր PVC (Polyvinyl Chloride) պատուհանի համար պրոֆիլը պետք է համապատասխանի բարձր ջերմամեկուսացման, ամրության, կայունության, ճկման ցուցանիշներին:

Մետաղապլաստե պրոֆիլներ արտադրող շատ ընկերություններ նույն պրոֆիլները արտադրում են մի քանի դասի՝ օրինակ՝ A, B և C, որոնք միմյանցից տարբերվում են որոշ ցուցանիշներով, օրինակ ճկունությամբ, ամրությամբ և այլն: Եթե ցանկանում եք գումար խնայել, ապա կարող եք ընտրել օրինակ B դասին պատկանող համանման պրոֆիլներ:

Մետաղյա ամրացում — պատուհանի արժեքի մինչև 10%

Պրոֆիլի մեջ տեղադրվող մետաղական կարկասը մետաղապլաստե պատուհանների ամենակարևոր բաղադրիչներից է: Պողպատյա քառանկյուն ձողը թույլ չի տալիս, որ պլաստմասե պրոֆիլը ճկվի և այն դարձնում է ամուր ու հուսալի:

Ընդհանրապես խորհուրդ չի տրվում խնայել գումար մետաղական կարկասի հաշվին այն չտեղադրելով: Եթե չտեղադրեք մետաղական կարկաս, դուք կարող եք խնայել պատուհանի արժեքի մինչև 10% -ը, սակայն գործնականում այն հղի է լուրջ խնդիրներով և էականորեն կվնասեք պատուհանի կոնստրուկցիան:

Պրոֆիլ Փոշին բացառելու նպատակով — ավելի քիչ քան 1% տոկոս

Չափսերով և ծախսերով ոչ մեծ այս պրոֆիլը նախատեսված է փոշին հասցնել նվազագույնի և հեշտացնել պատուհանի խնամքը: Փոշու պրոֆիլը կանխում է փոշու կուտակումը և հեշտացնում է պատուհանը մաքրելը: Օգտագործելով սույն պրոֆիլը՝ պատուհանները կլինեն բացարձակ մաքուր, ինչը դուք կզգաք ամեն անգամ, երբ կբացեք պատուհանը:

Չարժե խնայել այս պրոֆիլի վրա, քանի որ այն գրեթե ոչինչ չարժի:

Նախապես Սեղմված Ինքնաընդարձակվող Ժապավեն ( ՆՍԻԺ ) — Ոչ ավելի քան ընդհանոր արժեքի — 1% -ը

Սպառողների կողմից ամենահաճախ առաջացող դժգոհությունները վերաբերվում են պատուհանագոգի և շրջանակի միջև առաջացած օդանցքին, որտեղից մշտապես «փչում» է: Այդ խնդիրը լուծում է նախապես սեղմված ինքնաընդարձակվող ժապավենը ( ՆՍԻԺ ): Այն քամիներից արդյունավետ պաշտպանում է և փակում է պատուհանագոգի և շրջանակի միջև առաջացած տարացքը: