ՆԱԽԱԲԱՆ

Վերջին տարիներին հիփոթեքային տերմինաբանության մեջ հաճախ է կիրառվում «Մատչելի Հիփոթեք» արտահայտությունը: Այն տեղ է գտել նաև օրենքներում և հիփոթեքային ծրագրերում, ինչպես նաև հայտարարություններում և գովազդներում, օրինակ՝ «Երիտասարդ ընտանիքին՝ Մատչելի Հիփոթեք» ծրագիրը:

Ո՞ՐՆ Է ՀԱՄԱՐՎՈՒՄ ՄԱՏՉԵԼԻ ՀԻՓՈԹԵՔ

Ո՞րն է համարվում մատչելի հիփոթեք ֆինանսական և ներդրումային ծրագրի տեսանկյունից: Ստորև ներկայացնում ենք www.BizRatings.onlne –ի մեկնաբանությամբ/ այն գործոնները, որոնք հիփոթեքը կարող են դարձնել մատչելի և էժան.

1. անկասկած հիփոթեքը կհամարվի էժան և մատչելի, եթե ցածր լինի հիփոթեքի տոկոսադրույքը,
2. հիփոթեքը չունենա սպասարկման վարձ,
3. չունենա հիփոթեքի գումարի կանխիկացման վճար,
4. բացակայի անշարժ գույքի տարեկան գնահատման պահանջը,
5. վաղաժամկետ մարումների նկատմամբ չլինի սահմանափակումներ,
6. լինի վերաֆինանսավորման հնարավորություն,
7. առկա լինի օնլայն վճարումների համակարգ,
8. հնարավորինս լինի կարճաժամկետ ( եթե իհարկե կբավարարի ձեր ամսական վճարումների պահանջին ):

ՄԻՋԱԶԳԱՅԻՆ ՓՈՐՁԸ

   Ընդհանուր առմամբ միջազգային պրակտիկայում անշարժ գույքի ներդրողների կողմից «Մատչելի Հիփոթեք» է համարվում այն հիփոթեքը, որի դեպքում գնված անշարժ գույքի վարձավճարներից ստացվող դրամական հոսքերը ( վարձակալության տրամադրելիս ) պետք է ավելի մեծ լինի հիփոթեքի համար կատարվող հետվճարումներից ( ներառյալ տոկոսները ):  

Օրինակ՝

   Եթե ներդրողը ստացել է հիփոթեքային վարկ 100 000 դոլարի չափով  ( 100 տոկոս ֆինանսավորմամբ ) և պետք է առաջին ամսվա ընթացքում ֆինանսավորող բանկին վճարի 1 200 դոլար, որից 500 դոլարը տոկոսներն են, ապա գնված անշարժ գույքի 1-ին ամսվա վարձավճարը պետք է կազմի առնվազն 1200 դոլար:

ԵԶՐԱԿԱՑՈՒԹՅՈՒՆ

Իհարկե, ձեր մոտ կարող է անիրական թվալ նման ներդրումային գործարքը, սակայն միջազգային պրակտիկայում անշարժ գույքի ներդրողները անշարժ գույք գնելիս և «Մատչելի Հիփոթեք» ընտրելիս առաջնորդվում են սույն սկզբունքով :

Ի ԴԵՊ …

Այժմ դուք ավելի շատ եք տեղեկացված մատչելի հիփոթեք հասկացության վերաբերյալ և հուսով ենք, որ ներկայացված տեղեկատվությունը ձեզ օգտակար կլինի: Խնդրում ենք նաև հիշել և հիփոթեք ստանալուց հետո ( BR ) BizRatings.online կայքում հայտնել ձեր կարծիքը բանկերի, վարկային կազմակերպությունների վերաբերյալ, որի համար ( BR ) BizRatings.online -ը նախապես հայտնում է

ՇՆՈՐՀԱԿԱԼՈՒԹՅՈՒՆ

Համոզված եղեք, որ ձեր կարծիքը շատ կարևոր և էական է: Դուք,

• նախ՝ կօգնեք համաքաղաքացիներին նույնպես կատարել ճիշտ ընտրություն և
• միաժամանակ կօգնեք բանկերին, վարկային կազմակերպություններին վերացնել սպասարկման առկա թերությունները, եթե այդպիսիք կլինեն:

Եվ եթե այս հոդվածը օգտակար էր ձեզ համար և օգնեց ձեզ, ապա կիսվեք ձեր ընկերների և հարազատների հետ: