Ի՞ՆՉ Է ՄԱՆՐԱՀԱՏԱԿԸ

ՊԱՐԿԵՏ

Մանրահատակը ամուր փայտից պատրաստված հատիկավոր սալիկներ են, որոնց եզրերին կան դրանց միացման համար նախատեսված ակոսներ և «լանջեր» : Հայաստանի շինարարների մոտ ակոսները և լանջերը ընդունված է նաև անվանել «էգ» և «որց»: Մանրահատակը հավաքվում է այնպես, ինչպես ցուցադրված է նկարում:

Արտադրվում է նաև ոչ ակոսային մանրահատակ, որը չունի ակոսներ և լանջեր:

Մանրահատակը հիմնականում պատրաստում են ամուր փայտից՝ այնպիսի ծառերի փայտից, ինչպիսիք են.

  • հաճարենին,
  • կեչին,
  • բոխին,
  • սոճին,
  • եղևնին և այլն:

ՄԱՆՐԱՀԱՏԱԿԻ ՏԵՍԱԿՆԵՐԸ

ՄԱՆՐԱՀԱՏԱԿ-ՓԱՅՏԱՍԱԼԻԿ-ՊԱՐԿԵՏ-MANRAHATAK-PARKET

Հատիկավոր Մանրահատակ ( Պարկետ )

Հատիկավոր մանրահատակն ամենատարածված տեսակն է իր «ընկերների» շրջանում: Ինչպես նշվեց վերևում, հատիկավոր մանրահատակը ունի ակոսներ և «լանջեր», որոնք միանալով կազմում եմ մեկ ամբողջական մաս: Այս մանրահատակը օգտագործվում է ինչպես բնակարանների, այնպես էլ գրասենյակների համար:

ՄՈԶԱԻԿ-ՄԱՆՐԱՀԱՏԱԿ-ՊԱՐԿԵՏ

Մոզաիկ ( Խճանկարային Մանրահատակ )

Մանրահատակի խճանկարային տեսքն իր անունը ստացել է այն պատճառով, որ տարբեր երանգների փայտե սալիկները հավաքելով ստացվում Է խճանկար: Սալիկի հաստությունը սովորաբար լինում է 8-12 մմ:

Շատ վարպետներ իրենք են մշակում ստացվող խճանակարի տեսքը ( պատկերը, նախշը ):

Մանրահատակի Տեսակները

Թերթավոր ( Վահանային ) Մանրահատակ

Պանելային կամ վահանային մանրահատակը բաղկացած է 2 շերտից: Առաջին շերտը ուղղակիորեն նրբատախտակներից պատրաստված քառակուսի շերտ է, երկրորդ շերտը ( երեսը )՝ կարծր փայտի սալիկներն են: Վահանային մանրահատակի չափերը կարող են լինել մինչև 80 × 80 սմ, իսկ հաստությունը՝ 15-30 մմ:

Պալատական ( Գեղարվեստական ) Մանրահատակ

Պալատական ( Գեղարվեստական ) Մանրահատակ

Սա ամենաթանկարժեք մանրահատակն է, ինչպես իր անունն է ասում ( այն կոչվում է նաև գեղարվեստական ​​մանրահատակ ): Այս հատակը կարող է ունենալ բազմաթիվ նախշեր և հյուսվածքներ և հանդիսանալ ոչ միայն նախշազարդ հատակ, այլ՝ իսկական արվեստի գործ: Բնականաբար, նման մանրահատակ կարող են թույլ տալ մեծ բնակելի տարածք ունեցող հարուստ մարդիկ:

Խոշոր Չափեր Ունեցող Մանրահատակ

Խոշոր Չափեր Ունեցող Մանրահատակ

Խոշոր մանրահատակը բաղկացած է ամուր ( նաև՝ արժեքավոր, հետևաբար՝ ավելի թանկ ) փայտից: Խոշոր չափերով մանրահատակը հատիկավոր մանրահատակի «ավագ եղբայրն» է ( այն ունի նույն ակոսները և դուրս եկած «լանջերը», որոնք նախատեսված են տեղադրման համար ): Իրականում, խոշոր և հատիկավոր մանրահատակի միջև եղած տարբերությունը միայն չափի մեջ է և խոշորի դեպքում այն կարող է լինել՝ լայնությունը սկսած 8 սմ -ից, երկարությունը կարող է հասնել մի քանի մետրի, հաստությունը՝ 15 մմ -ից:

Մանրահատակ Տախտակ

Մանրահատակ տախտակը կոչվում է նաև եռաշերտ տախտակ, քանի որ այն բաղկացած է երեք շերտ բնական փայտից:

Շերտերի մանրաթելերը միմյանց նկատմամբ լայնակի են, այնպես որ տախտակը կարող է լավ դիմակայել ջերմաստիճանի և խոնավության տատանումներին: Ստորին շերտերը պատրաստված են փափուկ փայտից, իսկ վերինները` ամուր և դիմացկուն փայտից:

ԼԱՄԻՆԱՏԵ ՀԱՏԱԿՆԵՐ

Խոշոր Չափեր Ունեցող Մանրահատակ

Լամինատե մանրահատակը բաղկացած չէ բնական փայտից, այլ ընդամենը իմիատացնում ( նմանակում ) է փայտին:

Լամինատը բաղկացած է 4 շերտից.

  • Լամինացված վերին շերտ ( ակրիլ կամ մելամինային խեժ ):
  • Դեկորատիվ շերտ` որոշում է ծածկույթի հյուսվածքը ( բացի փայտից, լամինատը կարող է իմիտացնել ( նմանակել ) ինչպես քարե, այնպես էլ կերամիկական սալիկներին ):
  • Հիմնական շերտը մանրաթելային տախտակ է կամ բարձր խտության տախտակ:
  • Ներքևի շերտ` խոնավության պաշտպանության համար:

Այս բոլոր շերտերի ընդհանուր հաստությունը կարող է լինել 7 -ից 11 մմ:

ՈՐՏԵ՞Ղ ԵՎ ԻՆՉՊԵ՞Ս Է ՕԳՏԱԳՈՐԾՎՈՒՄ ՄԱՆՐԱՀԱՏԱԿԸ ( ՊԱՐԿԵՏԸ )

Մանրահատակը բարդ հատակի ծածկույթ է, որը պահանջում է մանրակրկիտ աշխատանք: Այդ իսկ պատճառով այն առավել հաճախ ընտրվում է բնակելի տարածքների համար: Հասարակական վայրերում այն ​​օգտագործվում է այնտեղ, որտեղ այցելուները քիչ են: Կարելի է տեսնել նաև ընդունելության կամ կոնֆերանսի սենյակներում: Մանրահատակը ( պարկետը ) հատակի էլիտար ծածկ է, որը վկայում է նաև տարածքի սեփականատերերի կարգավիճակի մասին:

ԵԶՐԱԿԱՑՈՒԹՅՈՒՆ

Այժմ դուք ավելի շատ եք ծանոթ մանրահատակի ( պարկետի ) տեսակների և նրա կիրառման վայրերի հետ և եթե որոշել եք վերանորոգել ձեր բնակարանի ( տան ) հատակը կամ կառուցել նորը, դուք կարող եք ճիշտ ընտրություն կատարել, որը կհամապատասխանի ձեր պահանջներին և կարիքներին:

Հուսով ենք, որ ներկայացված տեղեկատվությունը ձեզ օգտակար կլինի մանրահատակ գնելիս և դուք արդեն կկարողանաք ճիշտ ընտրություն կատարել: Խնդրում ենք նաև հիշել և գնումներ կատարելուց հետո ( BR ) BizRatings.online կայքում հայտնել ձեր կարծիքը գնված մանրահատակի և վաճառող խանութ-սրահների մասին, որի համար ( BR ) BizRatings.online -ը նախապես հայտնում է

ՇՆՈՐՀԱԿԱԼՈՒԹՅՈՒՆ

Համոզված եղեք, որ ձեր կարծիքը շատ կարևոր և էական է: Դուք,

  • նախ՝ կօգնեք ապագա գնորդներին նույնպես կատարել մանրահատակի ճիշտ ընտրություն և
  • միաժամանակ կօգնեք մանրահատակ արտադրողին ( վաճառողին, ներմուծողին ) վերացնել առկա թերությունները, եթե այդպիսիք կլինեն:

Եվ եթե այս հոդվածը օգտակար էր ձեզ համար և օգնեց ձեզ մանրահատակ ընտրելու հարցում, ապա կիսվեք ձեր ընկերների և մտերիմների հետ:


ԿԱՅՔԻ ԱՅՑԵԼՈՒՆԵՐԻՆ ՀԵՏԱՔՐՔՐՈՒՄ Է ՆԱԵՎ՝

Լամինատի Խանութների Վարկանիշը

Լամինատի Խանութների Վարկանիշը


Ինտերիերի Դիզայներների Վարկանիշը


Էջի Ասույթը

Дети-шпионов-Spy-Kids-ֆիլմից

Երբեմն գլոբալ մտածելու համար պետք է մտածել երեխայի նման

 — Дети шпионов ( Spy Kids ) ֆիլմից

Looking for the Best Apps?

When an unknown printer took a galley of type and scrambled it to make a type specimen book. It has survived not.