ԻՆՉՊԵ՞Ս ԳՐԵԼ ՌՈՄԱՆՏԻԿ ՍԻՐՈ ՆԱՄԱԿ / ԽՈՐՀՈՒՐԴՆԵՐ ՍԻՐՈ ՆԱՄԱԿ ԳՐԵԼԻՍ

ՆԵՐԱԾՈՒԹՅՈՒՆ

Սիրային նամակները կարող են պատկերել ձեր խորին զգացմունքները և նկատառումները: Սիրային նամակները կարող են լինել ամենաբազմազան բովանդակության, սակայն կան որոշ սկզբունքներ, որոնց պահպանումը ձեզ կօգնի ձեր նամակը դարձնել ավելի նպատակահարմար, բովանդակալից և ակընկալել ցանկալի պատասխանը: Ստորև թվարկված խորհուրդները ձեզ կօգնեն գրել յուրօրինակ և գեղեցիկ նամակ և ամեն ինչ կախված է ձեզանից:

1 — Ի՞ՆՉ ԳՐԵԼ

Հայտնեք ձեր ընկերոջը (ընկերուհուն) ձեր հարաբերությունների արժեքի մասին, մասնավորապես.

• ի՞նչ է նշանակում ձեր հարաբերությունները ձեզ համար,
• ո՞վ է ձեր ընկերը (ընկերուհին) ձեր կյանքում,
• ի՞նչն էր պակասում ձեր կյանքում, նախքան ձեր զուգընկերոջը հանդիպելը,
• ի՞նչ զգացողություններ եք ունենում, երբ ձեր զուգընկերը բացակայում է:

Լավագույնը, որ կարող եք անել ցանկացած տեսակի նամակագրության մեջ` նամակը գրել ի սրտե և ներառել նաև թվարկված հարցերի հատուկ և մանրամասն պատասխանները:

Եթե դժվարանում եք սկսել, ապա թվարկված հարցերի պատասխանները կարող են լինել հիանալի միջոց` ինչ-որ բան բացատրելու, թե ինչու՞ եք գրում և ի՞նչ եք ուզում ասել:

2 — ՎԵՐՀԻՇԵՔ ՀԻՇՈՂՈՒԹՅՈՒՆՆԵՐ

Սիրային նամակները ձեր համատեղ անցած ուղին վերհիշելու հիանալի հնարավորություն են: Նամակում նկարագրեք և վերհիշեք լավագույն պահերը՝ օրինակ՝ ժամադրությունը, որը վերջերս եք ունեցել միասին կամ որևէ այլ բան: Անկախ նրանից, թե դուք գտնվում եք հեռու կամ նույն քաղաքում, նամակը հիանալի միջոց է արտահայտելու ձեր զգացմունքները, հատկապես այն զգացմունքները, որոնք դուք կարող եք թաքցրած լինել:

Պետք չէ նամակում շատ լուրջ լինել: Փոխանակ պատմեք թե ինչպես է ձեր սիրտը դողում կեսգիշերին ձեր սիրահարին համբուրելիս, հիշեք այն մասին, թե ինչպես.

• ժամը երկուսից անմիջապես հետո անձրև եկավ,
• ինչպես ընթրեցիք,
• որքան ծիծաղելի էր ձեր տաքսու վարորդը:

3 — ԱՐՁԱԳԱՆՔԵՔ ՆԱԽՈՐԴ ՆԱՄԱԿԱԳՐՈՒԹՅԱՆԸ

Եթե ձեր վերջին նամակագրության ընթացքում ձեր զուգընկերը ձեզ մի քանի հարց է տվել, մի արհամարհեք այդ հարցերը և փորձեք առավելագույնս արագ պատասխանել այդ հարցերին: Ձեզ ուղված հարցերին պատասխանելով, դուք ձեռք կբերեք վստահության նոր մակարդակ և այն կհանդիսանա հետագա հարաբերությունները շարունակելու լավագույն առիթը:

4 — ԳՈՎԱԲԱՆԵՔ ԻՆՉ-ՈՐ ԲԱՆ

5 — ՀԱՐՑԵՐ ՏՎԵՔ ՁԵՐ ԸՆԿԵՐՈՋԸ

Ձեր զուգընկերոջ կյանքի հանդեպ անկեղծ հետաքրքրություն ցուցաբերելը և նրա մասին ավելին իմանալը ձեր սիրառատ նամակի համար բովանդակություն գտնելու լավագույն միջոցներից մեկն է: Գրեք այնպես, կարծես չեք սպասում պատասխան ստանալու: Քանի դեռ ձեր հարցերը անկեղծ են, թեթև և խուսափում են անհարմար զննումներից կամ խանդոտ կասկածներից, նամակի միջոցով հարցեր տալը հիանալի միջոց է:

• Լավ հարցեր.
  • Ինչպե՞ս անցավ աշխատանքային օրը,
  • Ինչպե՞ս անցավ հանգստյան օրերը լճում,
  • Բարեհաճող հասա՞ք ժամանցի վայր,
  • Ինչպե՞ս հանգստացար:
• Վատ հարցեր.
  • Որտե՞ղ էիր անցած գիշեր,
  • Ինչո՞ւ չզանգեցիր ինձ,
  • Պատրաստվու՞մ ես ինձ զանգել,
  • Ես սիրում եմ քեզ, դու սիրու՞մ ես ինձ:

6 — ԳՐԵՔ ԵԹԵ ԴՈՒՔ ՆՈՒՅՆԻՍԿ ԱՍԵԼԻՔ ՉՈՒՆԵՔ

Դուք կհամոզվեք, որ նամակագրությունը շփման ավելի հարմար և կանոնավոր եղանակներից մեկն է, հատկապես եթե երկուսդ էլ զբաղված եք և Skype- ի կամ հեռախոսային զրույցի համար 2 ժամ ժամանակ կամ էներգիա չունեք: Նույնիսկ եթե նամակագրությունը աշխարհիկ է թվում, այն մնում է շփման լավագույն տարբերակներից մեկը: Նամակի միջոցով դուք կարող եք հանգիստ և հանդարտ շարադրել և վերաշարադրել ձեր զգացմունքները և ձեր զուգընկերոջը տեղեկացնել, որ դուք հետաքրքրված եք նրանով: Եթե անգամ ոչինչ չկա ասելու, պարզապես պատմեք որևէ անմիտ և խենթ պատմություն ձեր ընտանի կենդանու հետ կապված կամ աշխատանքի ընթացքում տեղի ունեցածի մասին: Գրեք ձեր մասին և հարցեր տվեք ձեր զուգընկերոջը: Կյանքը կրկին կարող է ռոմանտիկ լինել, եթե խոսքը բխում է անկեղծ սրտից:

Էջի Ասույթը

Սերը ունի մեկ հոգի, որը բնակվում է երկու մարմիններում

— Արիստոտել