ՆԱԽԱԲԱՆ

Հիփոթեք ստանալը և բնակարան, առանձնատուն գնելը յուրաքանչյուր վարկառուի համար ուղեկցվում է ստթրեսային իրավիճակներով, մտահոգություններով, անհանգիստ իրավիճակով և այլն: Հիփոթեք ստանալը և անշարժ գույք գնելը ամենօրյա գործարք չէ, այն քաղաքացիների մոտ կարող է լինել կյանքում 1-2 անգամ, իսկ որոշ մարդկանց մոտ՝ ընհանրապես չլինել: Հիփոթեք ստանալիս, ինչպես նաև անշարժ գույք գնելիս քաղաքացիները առնչվում են.

բազմաթիվ ֆինանսական տերմինների,
բանաձևերի,
ինչպես նաև իրավաբանական հասկացությունների հետ:

Ուստի շատ դեպքերում դժվարանում են ճիշտ ընտրություն կատարել հիփոթեքային շուկայում և ընտրել նվազագույն ծախսերով հիփոթեք, իսկ ընտրելուց էլ, հետագայում պարզվում է, որ ընտրությունը այնքան էլ ճիշտ չէր, քանի որ ժամանակի ընթաքում առաջանում են լրացուցիչ վճարներ, փոփոխվում է հիփոթեքի տոկոսադրույքը և այլն:

ԻՆՉՈՒ՞ ԵՆ ՀԻՓՈԹԵՔԻ ( ՀԻՓՈԹԵՔԱՅԻՆ ՎԱՐԿԻ ) ԴԺՎԱՐՈՒԹՅՈՒՆՆԵՐՆ ԱՌԱՋԱՆՈՒՄ ՀԵՏՈ ԵՎ ՈՉ ԹԵ ՍԿԶԲՈՒՄ

Հիփոթեքային հայտարարություններում հիմնականում դուք տեսնում եք հիփոթեքային տոկոսադրույքի անվանական արժեքը և ոչ թե փաստացի տոկոսադրույքը: Անցեք հետևյալ հղումներով հիփոթեքի ( վարկի ) անվանական և փաստացի տոկոսադրույքների վերաբերյալ ավելի մանրամասն տեղեկատվություն ստանալու համար,
Հիփոթեքային բանկերը և վարկային կազմակերպությունները հաճախ հիփոթեքային վարկերի տեսակները սահմանում են հիփոթեքային տոկոսի միջակայքերով, օրինակ՝ 9 -15 %, արդյունքում՝ հայտարարությունները տրվում են ցածր տոկոսադրույքով: Կրկին անգամ պայմանագիր կնքելիս համոզվեք ձեր տոկոսադրույքի ընտրության հարցում, անհրաժեշտության դեպքում կրկին քննարկեք տոկոսադրույքի մեծության հարցը,
Հաճախ բանկերը սահմանում են հիփոթեքի սպասարկման սակագին կամ վճար, որոնք նույնպես շատ հաճախ բացակայում են հիփոթեքային հայտարարություններում, սակայն տեղ են գտնում պայմանագրում: Կրկին վերընթերցեք հիփոթեքային պայմանագիրը, անհրաժեշտության դեպքում դիմեք նաև մասնագետի՝ իրավաբանի օգնությանը,

Հիփոթեքի պայմանագրում հաճախ նշվում են վաղաժամկետ մարելու վերաբերյալ դրույթներ: Նշենք, որ, «Կերդիտավորման Մասին» ՀՀ օրենքի համաձայն դուք կարող եք առանց տուգանքների և տույժերի մարել հիփոթեքի մայր կամ մնացորդային գումարը առանց վճարումների,
Ուշադրություն դարձրեք տոկոսի հաստատուն և լողացող լինելու հանգամանքին: Հաճախ կարելի է հանդիպել հիփոթեքային առաջարկներ, որտեղ նշված են հիփոթեքի միայն հաստատուն մասը, սակայ ժամանակի ընթացքում ուժի մեջ է մտնում նաև լողացող տոկոսադրույքի հասկացությունը, որը կարող է ինչպես աճել, այնպես էլ՝ նվազել:

ԵԶՐԱԿԱՑՈՒԹՅՈՒՆ

Այժմ դուք ավելի շատ եք տեղեկացված հիփոթեքի վերաբերյալ: Հուսով ենք, որ ներկայացված տեղեկատվությունը ձեզ օգտակար կլինի հիփոթեք ստանալիս: Խնդրում ենք նաև հիշել և հիփոթեք ստանալուց ու բնակարան գնելուց հետո ( BR ) BizRatings.online կայքում հայտնել ձեր կարծիքը բանկի ծառայությունների մասին, որի համար ( BR ) BizRatings.online -ը նախապես հայտնում է

ՇՆՈՐՀԱԿԱԼՈՒԹՅՈՒՆ

Համոզված եղեք, որ ձեր կարծիքը շատ կարևոր և էական է: Դուք,

նախ՝ կօգնեք համաքաղաքացիներին նույնպես կատարել ճիշտ ընտրություն և
միաժամանակ կօգնեք բանկերին և վարկային կազմակերպություններին վերացնել բանկային ծառայությունների առկա թերությունները, եթե այդպիսիք կլինեն:

ԿԱՅՔԻ ԱՅՑԵԼՈՒՆԵՐԻՆ ՀԵՏԱՔՐՔՐՈՒՄ Է ՆԱԵՎ՝