Ո՞ՐՆ Է ԿԱՆԱՉ ՃԱՐՏԱՐԱՊԵՏՈՒԹՅԱՆ ՆՊԱՏԱԿԸ

Կանաչ ճարտարապետության նպատակն է հնարավորինս նվազեցնել բնական միջավայրի այն բացասական ազդեցությունները, որոնք հասցվել են և շարունակվում են մարդու գործունեության պատճառով: Քաղաքների և շենքերի կողմից էներգիայի օգտագործումն այդ բացասական ազդեցության առանցքային պատճառներից է:

Մարդկության կողմից արտադրվող ամբողջ էներգիայի մոտ 45-50%-ը սպառվում է շենքերի և շինությունների կողմից: Այդ էներգիայի մեծ մասն արտադրելու համար մենք ոչնչացնում ենք կենսական միջավայրը` աղտոտում օդը վնասակար գազերով.

ածխածնի երկօքսիդով,
ծծմբի երկօքսիդով,
ազոտի օքսիդով և այլն:

ՈՐՈ՞ՆՔ ԵՆ ԿԱՆԱՉ ՃԱՐՏԱՐԱՊԵՏՈՒԹՅԱՆ ԱՌԱՎԵԼՈՒԹՅՈՒՆՆԵՐԸ

Նավթի աճող պահանջարկի և էներգիայի ծախսերի ավելացման հետ մեկտեղ, այլընտրանքային էներգիան կամ կանաչ էներգիան լավագույն ճանապարհն է նվազեցնելու բնության աղտոտումը.

կանաչ ճարտարապետությունը ապահովում է.
- ջրային ռեսուրսների,
- օդի,
- հողի,
- բուսականության և այլ բնական պաշարների պաշտպանությունը,
կանաչ ճարտարապետությունը և դիզայնը օգնում է նվազագույնի հասցնել արտաքին աղտոտումը և պաշտպանել շրջակա միջավայրը,
կանաչ ճարտարապետությունը նաև պաշտպանում է մարդու առողջությունը:

ԱՐԴՅՈ՞Ք ԿԱՆԱՉ ՃԱՐՏԱՐԱՊԵՏՈՒԹՅՈՒՆԸ ԹԱՆԿ Է

Մարդիկ հիմնականում կարծում են, որ կանաչ ճարտարապետությունը շատ թանկ է, սակայն երբ մենք մի փոքր մանրամասն վերլուծում ենք երկարաժամկետ ներդրման տեսանկյունից, ապա տեսնում ենք, որ կանաչ ճարտարապետությունը ընդհանրապես թանկ չէ։

Շատ երկրներում, մասնավորապես ԱՄՆ-ում և Գերմանիայում քաղաքացիները կանաչ տեխնոլոգիաների կիրառման համար ստանում են մի շարք հարկային արտոնություններ, ինչը թույլ է տալիս նրանց հարկային առումով նվազեցնել իրենց եկամուտները կանաչ տեխնոլոգիաների համար ծախսված գումարի չափով և այդ չափով պակաս հարկ վճարել։

Բացի այդ, առանց արտոնությունների առկայության, բնականաբար՝ ինչպես ԱՄՆ-ում, Գերմանիայում և մյուս երկրներում, այնպես էլ Հայաստանում կան քաղաքացիներ, ովքեր հանուն բնության մաքրության պատրաստ են անգամ մի փոքր ավել վճարել:

ԿԱՆԱՉ ՏԵԽՆՈԼՈԳԻԱՆԵՐԻ ՄԻՏՈՒՄՆԵՐՆ ԵՆ

Կանաչ տրանսպորտի զարգացումը՝ էլեկտրոմեքենաներ, էլեկտրոմոտորներ, հեծանիվներ և այլն,
Քաղաքացիական այլընտրանքային էլեկտրոմատակարարումը, որի հիմքում ընկած է արևի և քամու էներգիան։ Այս բնագավառում առաջին տեղը աշխարհում զբաղեցնում է Գերմանիան, որտեղ այլընտրանքային էներգիայի մասը ողջ էներգիայի սպառման շուկայում մոտ 30 տոկոսն է,
Կենցաղային և արտադրական թափոնների նվազեցումը։ Այս բնագավառում նույնպես առաջատար են հանդիսանում Եվրոպական երկրները, որտեղ, օրինակ պլաստիկ շշերը հատուկ սարքերի միջոցով հավաքագրվում է բնակիչներից որոշակի գումար վճարելու դիմաց։

Ի ԴԵՊ …

Սույն հոդվածը ընթերցելուց հետո դուք ավելի շատ և մանրամասն եք տեղեկացված կանաչ ճարտարեպետության վերաբերյալ և հուսով ենք, որ ներկայացված տեղեկատվությունը ձեզ օգտակար կլինի: Միաժամանակ խնդրում ենք նաև հիշել ճարտարապետական նախագիծ պատվիրելուց և ստանալուց հետո ( BR ) BizRatings.online կայքում հայտնել ձեր կարծիքը ճարտարապետական ընկերության վերաբերյալ, որի համար ( BR ) BizRatings.online -ը նախապես հայտնում է

ՇՆՈՐՀԱԿԱԼՈՒԹՅՈՒՆ

Համոզված եղեք, որ ձեր կարծիքը շատ կարևոր և էական է: Դուք,

նախ՝ կօգնեք ձեր ընկերներին ու համաքաղաքացիներին նույնպես կատարել ճիշտ ընտրություն և
միաժամանակ կօգնեք ընկերություններին և անհատ մասնագեետներին վերացնել ծառայություններում առկա թերությունները, եթե իհարկե այդպիսիք կլինեն:

Եվ եթե այս հոդվածը օգտակար էր ձեզ համար և օգնեց ձեզ, ապա կիսվեք ձեր ընկերների և հարազատների հետ: