ՆԱԽԱԲԱՆ

Նոր համակարգիչ գնելիս գնորդների մոտ սովորաբար առաջանում են բազմաթիվ հարցեր կապված համակարգչային տեխնիկայի.

բրենդի ընտրության,
չափերի և
օգտագործման պայմանների հետ:

Գրեթե բոլոր ապրանքանիշերը հաճախորդներին խոստանում են բարձրակարգ և գերժամանակակից համակարգիչ, սակայն ձեր ոգևորվածությունը կարող է շատ շուտ մարել, երբ համակարգիչ գնելուց հետո պարզվի, որ չեք ստացել այն, ինչ ի սկզաբնե ձեզ անհրաժեշտ էր: Համակարգիչների ընտրության ահռելի քանակը կարող է վախեցնել ձեզ, բայց այս հակիրճ ուղեցույցը կարող է օգնել ձեզ խնայել ձեր ժամանակը և գումարները:

ՔԱՅԼ 1 — ՀԱՐՑՐԵՔ ԻՆՔՆԵՐԴ ՁԵԶ, ԹԵ ԻՆՉԻ՞ ՀԱՄԱՐ Է ՁԵԶ ՀԱՐԿԱՎՈՐ ՀԱՄԱԿԱՐԳԻՉԸ

Պարզելու համար թե ինչի՞ համար եք ուզում համակարգիչը, ինքներդ ձեզ ուղղեք սույն հարցերը՝

կօգտագործե՞մ համակարգիչը հիմնականում էլեկտրոնային փոստը ստուգելու և համացանցը զննելու համար,
նախատեսու՞մ եմ համակարգչով զգալի քանակությամբ գրասենյակային աշխատանք կատարել,
պլանավորու՞մ եմ համակարգիչը օգտագործել ժամանակակից առցանց խաղեր խաղալու համար,
նախատեսու՞մ եմ համակարգիչը օգտագործել պատկերներ, երաժշտություն կամ տեսանյութեր ստեղծելու համար,
արդյո՞ք համակարգիչը կօգտագործվի ընտանիքիս բոլոր անդամների կողմից,
իմ համակարգիչը հյուրասենյակի զվարճանքի կենտրոն կդառնա՞:

ՔԱՅԼ 2 — ՆՈՈՒԹԲՈՒՔ ԹԵ՞ ՀԱՄԱԿԱՐԳԻՉ

Նոութբուքերը շարժական են և հիանալի են ուսանողների կամ գրասենյակային աշխատողների համար, բայց խաղերի ժամանակ դրանք, սովորաբար չեն ցուցաբերում իրենց աստղային հնարավորությունները:

Նոութբուք ընտրելու դեպքում ուշադրություն դարձրեք գովազդվող մարտկոցի կյանքին, քանի որ ձեր մարտկոցը կթելադրի, թե որքան շարժական կարող է լինել ձեր նոութբուքը:

Նոութբուքերը թույլ կտան աշխատել գործնականում ցանկացած վայրից, որտեղ կարող եք լիցքավորել նրա մարտկոցը կամ Wi-Fi ինտերնետ կապ ստանալ:

Սեղանի համակարգիչները սովորաբար շատ ավելի հզոր են, քան նոութբուքերը, բայց կարող են նաև ավելի թանկ նստել: Նրանք նաև զգալիորեն ավելի շատ տեղ են զբաղեցնում, քան նոութբուքը: Հարցրեք ինքներդ ձեզ, թե որքա՞ն ժամանակ եք տրամադրելու սեղանի համակարգչով աշխատելու համար և դուք կգտնեք պատասխանը, թե որքանով է այն ձեզ հարմար:

Ներկայումս անսովոր չէ, երբ անհատները կամ ընտանիքները ունենան մեկից ավելի տեսակի համակարգիչներ: Եթե գտնում եք, որ հաճախակի անհրաժեշտություն է առաջանալու ձեր համակարգիչը տեղափոխելու, ապա ամենայն հավանականությամբ ձեզ հարկավոր է նոութբուք:

Եթե շարժունակությունը մտահոգիչ չէ, ապա կարող եք գնել սեղանի համակարգիչ, քանի որ շատ հավանական է, որ նույն գումարի դիմաց ավելի շատ աշխատունակություն ստանաք:

ՈՒՇԱԴՐՈՒԹՅՈՒՆ

Համակարգիչների ընտրություն կատարելը դառնում են ավելի շփոթեցնող, քանի որ կատեգորիաների միջև սահմանները մշուշվում են: Օրինակ՝

որոշ նոր սեղանի համակարգիչներ գրեթե նույնքան փոքր են և աննկատելի, որքան նոութբուքը,
ընդհակառակը, դուք հեշտությամբ կարող եք գտնել նոութբուք, որը նույնքան հզոր է, որքան սովորական սեղանի համակարգիչը,
կան մի փոքր անսովոր կատեգորիաներ, ինչպիսիք են պլանշետները և բոլորը մեկում սեղանի համակարգիչները, որոնք առանձին մոնիտորի կարիք չունեն:

ՔԱՅԼ 3 — ԴԻՏԵՔ ՀԱՃԱԽՈՐԴՆԵՐԻ ԿԱՐԾԻՔՆԵՐԸ ԵՎ ՀԱՄԱԿԱՐԳՉԱՅԻՆ ԽԱՆՈՒԹ ՍՐԱՀՆԵՐԻ ՎԱՐԿԱՆԻՇԸ

Սույն հոդվածում մենք չանդրադարձանք համակարգիչների տեխնիկական բնութագրերին: Հարցումները ցույց են տալիս, որ գնորդների ավելի քան 95 % չի տիրապետում համակարգչային տեխնիկան բնութագրող հասկացություններին և անգամ նկարագրության դեպքում այդ թվերը և հասկացությունները նրանց ոչինչ չի ասում:

Քայլ 3-ում պարզապես խորհուրդ ենք տալիս դիտել ( կարդալ ) այն հաճախորդների կամ սպառողների կարծիքները այս կամ այն համակարգչի կամ համակարգչային խանութի վերաբերյալ, որոնք արդեն.

գնել և
օգտագործել

են որևէ համակարգիչ կամ նոութբուք: Չէ՞ որ նրանք արդեն շփվել են համակարգչի կամ նոութբուքի թերությունների հետ կամ ծանոթ են համակարգչային խանութի սպասարկմանը: Հաճախորդների կարծիքներն ու գնահատականները ձեզ կօգնեն կողմնորոշվել համակարգչի և համակարգչային խանութի ընտրության հարցում:

Ցանկալի է հաճախորդների կարծիքներին հետևեք ոչ թե տվյալ վաճառողի կայքում, այլ անկախ և 3-րդ կողմ հանդիսացող կայքերում, ինչպիսին հանդիսանում է ( BR ) BizRatings.online կայքը, որտեղ հավաքագրվում են կարծիքներ բոլոր բիզնեսների վերաբերյալ՝ ինչպես ԴՐԱԿԱՆ, այնպես էլ ԲԱՑԱՍԱԿԱՆ կարծիքներ:

ԵԶՐԱԿԱՑՈՒԹՅՈՒՆ

Այժմ դուք ավելի շատ եք տեղեկացված, թե ինչպե՞ս ընտրել և գնել համակարգիչ և հուսով ենք, որ ներկայացված տեղեկատվությունը ձեզ օգտակար կլինի համակարգիչների ընտրություն կատարելիս: Խնդրում ենք նաև հիշել և համակարգիչ ( նոութբուք ) գնելուց հետո ( BR ) BizRatings.online կայքում հայտնել ձեր կարծիքը համակարգչի և համակարգչային խանութի մասին, որի համար ( BR ) BizRatings.online -ը նախապես հայտնում է

ՇՆՈՐՀԱԿԱԼՈՒԹՅՈՒՆ

Համոզված եղեք, որ ձեր կարծիքը շատ կարևոր և էական է: Դուք,

նախ՝ կօգնեք ձեր ընկերներին և համաքաղաքացիներին նույնպես կատարել ճիշտ ընտրություն և
միաժամանակ կօգնեք համակարգչային խանութ-սրահներին ( կայքերին ) վերացնել սպասարկման առկա թերությունները, եթե այդպիսիք կլինեն:

Էջի Ասույթը