Ի՞ՆՉ Է ԱՅԳՈՒ ԿԱՀՈՒՅՔԸ

Այգու կահույքը, որը կոչվում է նաև բացօդյա կահույք, կահույքի տեսակ է, որը հատուկ նախագծված է բացօդյա տարածքներում օգտագործման համար: Այն սովորաբար պատրաստված է հատուկ նյութերից, որոնք հաշվի են առնում եղանակային պայմանները: Բացօդյա հիանալի կահույքը հարմարավետություն և նոր շունչ է հաղորդում այգուն: Այն թույլ է տալիս ձեր փակ սենյակները տեղափոխել դուրս: Օրինակ՝ եղանակային բավարար պայմանների դեպքում այգում տեղադրված սեղանն ու աթոռները ձեր ճաշասենյակը կտեղափոխեն դուրս և կստեղծեն հարամարավետ հյուրասենյակ, որի առաստաղը կապույտ երկինքն է: Այգու կամ բացօդյա կահույք ընտրելու առաջին քայլը մտածելն է այն մասին, թե ինչպե՞ս եք ուզում օգտագործել ձեր արտաքին տարածքը և ստորև թվարկած հարցերը ձեզ կօգնեն այգու կահույք ընտրելիս.

նախատեսու՞մ եք ճաշել այգում,
իսկ հանգստանա՞լ բակում գտնվող կրակի մոտ,
դուք մարդկանց մեծ խմբերի՞ն եք զվարճացնելու,
թե՞ ավելի փոքր, ավելի մտերիմ հավաքույթներ եք կազմակերպելու:

ԸՆՏՐՈՒՄ ԵՆՔ ՆՅՈՒԹԵՐ ԱՅԳՈՒ ԿԱՀՈՒՅՔԻ ՀԱՄԱՐ

Երբ այգու կամ բացօդյա կահույք եք գնում, ընտրեք հեշտ խնամվող նյութեր և կտորներ, որոնք ներդաշնակ են ձեր լանդշաֆտին և տան դիզայնին: Բացօդյա կահույքի բազմաթիվ տարբերակներ կան.

Բնական փայտը ամուր և հարմարավետ է, բայց դրա համար անհրաժեշտ կլինի պարբերաբար այն պահպանել և խնամել եղանակային անբարենպաստ պայմաններից և ուլտրամանուշակագույն ճառագայթներից: Այնուամենայնիվ, եթե որոշել եք գնել փայտից այգու կահույք, ապա ընտրեք դիմացկուն փայտ, ինչպիսիք են կարմրափայտը, մայրին կամ նոճին, որոնք ավելի քիչ սպասարկում են պահանջում:

Բնական ծղոտե հյուսվածքով կահույքը ( ռաթան կահույքը ), ձեր բացօդյա տարածքի համար կապահովի հարմարավետ և գեղեցիկ տեսք, բայց դրա համար անհրաժեշտ կլինի լրացուցիչ խնամք:

Պողպատյա և կռած կահույքը նույնպես այգու կահույքի լավագույն տարբերակներից է: Երկու նյութերն էլ չափազանց ամուր են, բայց կահույքի ( աթոռների ) հարմարավետության համար անհրաժեշտ են բարձեր: Դրանք հիանալի են դրսում, բայց ժանգը կանխելու համար հարկավոր է պարբերաբար ներկել կամ մշակել դիմացկուն ծածկույթով:

ՈՐՏԵՂԻ՞Ց ԳՆԵՄ ԲԱՐՁՐԱԿԱՐԳ ԱՅԳՈՒ ԿԱՀՈՒՅՔ

+ Դ Ի Տ Ե Լ

Ալյումինե, պլաստմասե և ՊՎՔ նյութերը կոռոզիակայուն են, թեթև, էժան և հեշտությամբ պահպանվում են և խնամվում մի փոքր օճառով և ջրով: Այնուամենայնիվ, նրանց թեթև կառուցվածքի պատճառով հնարավոր է, որ դրանք անհրաժեշտ լինի ամրացնել կամ որևէ կերպ պահպանել ուժեղ քամու և փոթորիկի ժամանակ:

Քարե ( մասնավորապես՝ բազալտե ) կահույքը հիանալի լուծում կլինի ցանկացած այգի կահավորելու համար: Առաջին հերթին, այն էկոլոգիապես մաքուր է և երկրորդ՝ հատուկ խնաք չի պահանջում:

Մետաղական կահույքի նման, քարե կահույքը շահագործելիս նույնպես պետք է օգտագործել բարձեր կամ տակդիրներ:

Ի՞ՆՉ ԱՅԼ ՊԱՐԱԳԱՆԵՐ ԵՆ ՀԱՐԿԱՎՈՐ ԱՅԳՈՒ ՀԱՄԱՐ

Այգում ավելի շատ կոմֆորտ ստեղծելու համար կան մի շարք պարագաներ: Դրանցից առավել հատկանշականներից են.

արևապաշտպան միջոցները ( հովանոցը ),
ճոճանակը,
գրիլ ( խորոված ) պատրաստող սարքը:

ԱՐԵՎԱՊԱՇՏՊԱՆ ՀՈՎԱՆՈՑ

Բացօթյա կահույքի ամենակարևոր պարագաներից մեկը արևապաշտպան հովանոցն է: Այն կօգնի ձեզ առանց ավելորդ արևայրուքի և անհարմարությունների անցկացնել ձեր բացօդյա ժամանցը նույնիսկ ամենաշոգ օրերին:

ՃՈՃԱՆԱԿ

Այգու ճոճանակները վաղուց դարձել են ոչ շքեղ ամառանոցի ատրիբուտ և ոչ միայն մանկական ժամանցի: Ներկայումս այն գրեթե ցանկացած ամառանոցի կամ այգու կարևորագույն պարագաներից է:

Ճոճանակը ձեր և ձեր հյուրերի հանգիստը առավել հարմարավետ դարձնելու լավագույն միջոցներից է:

Ճոճանակը նաև այն պարագաներից է, որը բոլորին հիշեցնում է մանկության օրերը:

ԳՐԻԼ ( ԽՈՐՈՎԱԾ ) ՊԱՏՐԱՍՏԵԼՈՒ ՍԱՐՔ

Ամառային օրերից առավելագույնս օգտվելու ուղիներից մեկը բացօդյա խոհանոցում ներդրումներ կատարելն է: Գրիլի կամ խորովածի սարք գնելով, ամառային օրերին դուք կկարողանաք ձեր ընտանիքի և ընկերների հետ ամենահիշարժան օրերն անցկացնել այգում ուտեստներ պատրաստելով և վայելելոով:

ԵԶՐԱԿԱՑՈՒԹՅՈՒՆ

Այժմ Դուք ավելի շատ եք տեղեկացված այգու կահույք գնելու հարցում: Հուսով ենք, որ ներկայացված տեղեկատվությունը ձեզ օգտակար կլինի կահույքի ընտրություն կատարելիս: Խնդրում ենք նաև հիշել և այգու կահույք գնելուց հետո ( BR ) BizRatings.online կայքում հայտնել ձեր կարծիքը այգու կահույքի և կահույքի սրահի մասին, որի համար ( BR ) BizRatings.online -ը նախապես հայտնում է

ՇՆՈՐՀԱԿԱԼՈՒԹՅՈՒՆ

Համոզված եղեք, որ ձեր կարծիքը շատ կարևոր և էական է: Դուք.

նախ՝ կօգնեք ապագա գնորդներին նույնպես կատարել ճիշտ ընտրություն և
միաժամանակ կօգնեք կահույքի խանութ-սրահներին և կահույք արտադրողներին վերացնել առկա թերությունները, եթե այդպիսիք կլինեն:

ԿԱՅՔԻ ԱՅՑԵԼՈՒՆԵՐԻՆ ՀԵՏԱՔՐՔՐՈՒՄ Է ՆԱԵՎ՝