ՆԱԽՔԱՆ ԱՎՏՈՎԱՐԿ ՍՏԱՆԱԼԸ

Կան մի շարք հարցեր, որոնք դոււք պետք է քննարկեք նախքան ավտովարկ ստանալու հայտ ներկայացնելը, որոնցից կարևորները ներկայացված են ստորև.

Ավտովարկի տոկոսադրույքը: Ավտոմեքենա գնելու վարկի տոկոսադրույքը և ամսական վճարումները կախված կլինեն ձեր եկամուտից և ձեր մեքենայի նախընտրությունից: Նոր տրանսպորտային միջոցների տոկոսադրույքները հաճախ ավելի ցածր են, քան օգտագործված մեքենաների տոկոսադրույքները: Բանկի հետ ճշտեք, արդյո՞ք վարկն ունի.
- ֆիքսված տոկոսադրույք ( ամսական վճարումները և տոկոսադրույքը մնում է անփոփոխ ) կամ
- լողացող տոկոսադրույք ( ամսական վճարումները և տոկոսադրույքը կարող է փոխվել ),
Ֆինանսավորվող ընդհանուր գումարը:
- Առաջին հերթին համոզվեք, որ ձեր վարկային փաստաթղթերի գումարը նույնն է, ինչ դուք խնդրել եք:
- Երկրորդը՝ ֆինանսավորման ենթակա ընդհանուր գումարը որոշելիս հաշվի առեք, որ հնարավոր է, որ դուք ունենաք որոշակի ծախսեր գումար ստանալիս՝ օրինակ՝ կանխիկացման վճարը,
Ամսական վճարման գումարը: Համոզվեք, որ ձեր ամսական վճարումները կարող են պահպանվել ձեր ամսական բյուջեի սահմաններում: Հաշվի առեք հնարավոր տույժերը,
Վաղաժամկետ մարումը: Իմացեք, արդյոք կարող եք վաղաժամկետ մարել ձեր վարկը՝ առանց տույժ վճարելու: Եթե չեք կարող, պարզեք, թե որքան լրացուցիչ կվճարեք,
Թաքնված վճարները: Վարկի ապահովագրություն կամ այլ վճարներ կարող են ներառվել մեքենայի վարկերի մեջ: Վճարեք այս ծառայությունների համար միայն այն դեպքում, երբ դրանք ձեզ անհրաժեշտ են կամ օրենքով պարտադիր,
Ձեր վարկի ժամկետը: Մեքենայի վարկերը հիմնականում տատանվում են 36 ամսից մինչև 72 ամիս: Ավելի երկար ժամկետները կարող են նվազեցնել ձեր ամսական վճարումները, բայց կարող են ավելի թանկ նստել վարկի ողջ տևողության ընթացքում:

ՆՈՐ ԱՎՏՈՄԵՔԵՆԱ ԳՆԵԼԻՍ ՀԱՇՎԻ ԱՌԵՔ

Կենտրոնացեք այն մեքենայի վրա, որն իսկապես ցանկանում եք ձեր հնարավորությունների սահմաններում: Եթե կա գույն կամ այլ հատկություն, որը ձեզ հետաքրքրում է, սակայն ավտոսրահը ներկայումս չունի այն, գուցե դեռ կկարողանաք ձեռք բերել ձեր ուզած մոդելը: Հաճախ դիլերները հնարավորություն ունեն ձեռք բերել հատուկ մոդելներ, որոնք ներկայումս առկա չեն իրենց ավտոսրահում,
Փորձեք վարել ձեզ հետաքրքրող տրանսպորտային միջոցը: Հնարավորության դեպքում մեքենան վարեք տարբեր միջավայրերում` տեսնելու, թե ինչպես է այն աշխատում և արդյո՞ք ձեզ հարմարավետ եք զգում այն շահագործելիս,

Համոզվեք, որ լիովին հասկանում եք առաջարկը: Նախքան որևէ գործողություն կատարելը, ստուգեք բոլոր մանրամասները, հատկապես, եթե առաջարկը չափազանց լավ է թվում իրական լինելու համար: Ժամանակ հատկացրեք բոլոր առաջարկները միմյանց հետ համեմատելու և քննարկելու համար,
Ուշադիր եղեք ավտոսրահներում: Ուսումնասիրեք ձեզ հետաքրքրող մեքենաները, որոնք ձեր բյուջեի սահմաններում են: Փորձեք խուսափել արագ որոշում կայացնելուց: Հաշվի առեք առկա բոլոր տարբերակները:

ԻՆՉՊԵ՞Ս ԱՐԱԳ ԱՎՏՈՎԱՐԿ ՍՏԱՆԱՄ

+ Դ Ի Տ Ե Լ

ՕԳՏԱԳՈՐԾՎԱԾ ԱՎՏՈՄԵՔԵՆԱ ԳՆԵԼԻՍ ՆԿԱՏԻ ՈՒՆԵՑԵՔ

Ժամանակ տրամադրեք մեքենան ցերեկային ժամերին զննելու համար: Մեքենան զննելով ցերեկը՝ դիլերի կամ մասնավոր վաճառող կողմի հետ, հնարավորություն է ընձեռվում այն հստակ և համակողմանի ուսումնասիրելու համար, ինչը ձեզ ավելի մեծ հնարավորություն կտա տեսնելու որևէ պոտենցիալ.
- արատ,
- վնաս կամ
- պրոբլեմ,
Ավտոմեքենանփորձարկեք ճանապարհի տարբեր մակերևույթների վրա: Համոզվեք, որ մեքենան աշխատում է այնպես, ինչպես պետք է լինի տարբեր հնարավոր պայմաններում, ինչպիսիք են.
- ձյունը,
- անձրևը և
- մայրուղիով երթևեկելը,
Ծանոթացեք ավտոմեքենայի պատմության հետ: Տեղեկացվեք բոլոր մանրամասներին, արդյո՞ք այն երբևէ վթարի ենթարկվել է: Խնդրեք ավտոմեխանիկին մեքենան ստուգել այն գնելուց առաջ: Մեքենան գնելու ձեր առաջարկը պայմանավորեք հաջող ստուգմամբ,
Ծանոթացեք մեքենայի երաշխիքներին ( եթե այդպիսիք առկա են ): Ստուգեք, արդյո՞ք մեքենան դեռ գտնվում է երաշխիքային սպասարկամ ժամկետում: