ՆԱԽԱԲԱՆ

Այստեղ լավ են պահպանվել փարավոնների, հունական և հռոմեական ժամանակաշրջանների հուշարձանները, ինչպես նաև արաբական միջնադարյան ճարտարապետությունը։ Երկրի մեծ մասը անապատ է և լողափեր՝ Միջերկրական ու Կարմիր ծովերի երկայնքով:

Բացի այդ, Եգիպտոսում ապրելը էժան է, զբոսաշրջային վիզա տրվում է հեշտությամբ և կարող է երկարաձգվել մինչև վեց ամսով։ Գիշերը կարելի է առանց վախի շրջել քաղաքներով՝ անթիվ ոստիկաններ կարգուկանոն են պահպանում։ Իսկ հարբածներ ոչ մի տեղ չկան, քանի որ ալկոհոլը, ինչպես ընդունված է մահմեդական լուրջ երկրներում, Եգիպտոսում ևս գրեթե չի վաճառվում։

Սակայն Եգիպտոսն ունի նաև զգալի թերություններ: Դրանց մասին պետք է նախօրոք իմանաք, որպեսզի չփչացնեք ձեր ճանապարհորդության տպավորությունը։ Վերջին երկու տարիների ընթացքում ես յոթ ամիս ապրել եմ աֆրիկյան նահանգում՝ Հուրգադայում, Լուքսորում և Կահիրեում: Այս ընթացքում ես ուսումնասիրեցի ինչպես զբոսաշրջային, այնպես էլ տիպիկ արաբական շրջանները: Ես ձեզ կասեմ այն, ինչի հետ դեռ չեմ համակերպվել։

ՃԱՆԱՊԱՐՀԱՅԻՆ ՎԹԱՐՆԵՐ

Եգիպտոսը լավ ճանապարհներ ունի, և որպես ուղևոր վարելը հաճելի է: Այստեղ տեղումներ գրեթե չկան, ուստի ասֆալտը բարեկարգ է և չի խաթարվել անձրևից ու ձյունից։ Եգիպտոսում երթևեկությունը աջ կողմում է, ինչպես Հայաստանում։ Երթուղիները հաճախ բաժանվում են գազոններով, որպեսզի կանխեն հանդիպակաց երթևեկությունը:

Եգիպտոսում փորձում են վերահսկել արագությունը. օրինակ Հուրգադայում կարելի է տեսնել 40 կմ/ժ արագության սահմանափակումը։

Խնդիրն այն է, որ հասարակական տրանսպորտի և մասնավոր մեքենաների վարորդները հաճախ անխոհեմ են և Առողջապահության Միջազգային Կազմակերպության վիճակագրության համաձայն՝ Եգիպտոսի ճանապարհներին տարեկան 12 000 մարդ է մահանում։ Հիմնական պատճառը վարորդների կողմից կանոնների կոպիտ խախտումներն են։

ԼՈՒՍԱՆԿԱՐԱՀԱՆՄԱՆ ԱՐԳԵԼՔ

ԵԳԻՊՏՈՍՈՒՄ ՉԵՆ ՇՏԱՊՈՒՄ

Եգիպտացիները չեն շտապում: Նրանք օգտագործում են «եգիպտական ​​ժամանակ» արտահայտությունը, ինչը նշանակում է, որ 5-30 րոպե ուշացումը ուշացում չէ։

Դանդաղությունը տարածվում է պետական ​​կառույցների, բանկերի և այլ լուրջ կառույցների աշխատակիցների վրա։

ԵԳՊՏՈՍՈՒՄ ՍԱՐՍԱՓԵԼԻ ՇՈԳ Է

Եգիպտոսում տարվա մեծ մասը շոգ է՝ ջերմաստիճանը հասնում է +40…45 °C, քանզի Եգիպտոսի տարածքի 96 %-ը անապատ է: Հարմարավետ զովություն, կայուն քամի և +18…30 °C ջերմաստիճանի համադրություն լինում է հոկտեմբեր-նոյեմբերից մինչև մարտի առաջին կեսը։

ԵԳԻՊՏՈՍՈՒՄ ՇԱՏ ԼՈՂԱՓԵՐ ՎՃԱՐՈՎԻ ԵՆ

Վճարովի լողափերը գտնվում են հյուրանոցների մոտակայքում և հիմնականում լողափը փակ է ցանկապատով։ Լողափերի մուտքն արժե 100-200 EGP: Զբոսաշրջիկներին տրամադրվում են լողափի պարագաներ, այդ թվում՝ հովանոց և սրբիչ։ Դուք չեք կարող լողափ տանել ձեր սեփական ջուրը և սնունդը: Դրանք վաճառվում են տեղում, ընդ որում գները երկու անգամ ավելի բարձր են, քան քաղաքում։

ԱՆԳԼԵՐԵՆԻ ՀԵՏ ԿԱՊՎԱԾ ԽՆԴԻՐՆԵՐ

Եգիպտոսում կան անգլերեն լեզվով լրատվամիջոցներ, բայց ընդհանուր առմամբ այն լայնորեն տարածված չէ։ Եգիպտացիների մայրենի լեզուն արաբերենն է։ Որոշակի չափով անգլերեն խոսվում է զբոսաշրջային վայրերում, մեծ սուպերմարկետներում, ավտոբուսի կայարաններում, բջջային հեռախոսի օպերատոր ընկերություններում և պետական ​​գրասենյակներում:

Հյուրանոցներից մի փոքր հեռու գտնվող խանութներում եգիպտացիները խոսում են միայն արաբերեն, իսկ տաքսու վարորդները գրեթե ոչ մի բառ անգլերեն չգիտեն: Սակայն եթե դուք ցանկանում եք որևէ վայր մեկնել, օրինակ թանգարան, ապա տաքսու վարորդին ցույց տվեք նկարը և նա ձեզ բարեհաջող տեղ կհասցի:

ԱՊՐԱՆՔՆԵՐԻ ԵՎ ԾԱՌԱՅՈՒԹՅՈՒՆՆԵՐԻ ԱՆՀԻՄՆ ԱՌԱՋԱՐԿՆԵՐ

Եգիպտոսի հայտնի վայրերի ցավալի առանձնահատկությունը բազմաթիվ առաջարկների առատությունն է։ Նրանք զբոսաշրջիկներին անընդհատ առաջարկում են ինչ-որ բան. «Քեզ տաքսի, կառք, նավ, ուղղաթիռ պե՞տք է: Ծխախո՞տ, յու՞ղ»։ Եվ այսպես շարունակ:

Շատ դեպքերում դուք կարող եք ստանալ հարյուրավոր առաջարկներ տարբեր մարդկանցից: Դուք չեք կարող կոպտորեն հրաժարվել. նրանք կվիրավորվեն և կսկսեն նույնպես վիրավորել ձեզ: Այս առումով պահպանեք համբերություն:

ԲԱԿՇԻՇ ( ԹԵՅԱՎՃԱՐ )

Բակշիշը թեյավճար է փոքր ծառայության համար, որը սովորաբար ավելորդ է, քանի որ ոչ ոք դա չի խնդրել: Ամենից հաճախ դա պահանջում են զբոսաշրջային վայրերի, մասնավորապես թանգարանների աշխատակիցների մեծ մասը, օրինակ՝ Լուքսորում, Գիզայում և այլ վայրերում։ Բայց սովորաբար դուք կարող եք պարզապես շեղվել նման աներես ծառայությունից և պատասխանել «կարիք չկա»:

ԽԱՐԴԱԽՈՒԹՅՈՒՆ

Եգիպտոսում համեմատաբար շատ են խաբեությունները, և զբոսաշրջիկները դրանց կարող են հանդիպել գրեթե ամենուր: Այն հատկապես տարածված է տաքսու վարորդների մոտ և զբոսաշրջային ծառայություններ մատուցող ընկերություններում և խանութներում: Օրինակ, եթե դուք տեսնում եք ,,Book Shop,, ցուցանակը , դա ամենևին չի նշանակում, որ դուք հանդիպել եք գրախանութ: Այցելելով ,,Book Shop, դուք կարող եք հայտնվել հուշանվերների խանութում, որտեղ առկա է 1-2 տուրիստական ուղեցույց գրքույկ:

ԱՎԱՐՏՎԵՑ ՀՈԴՎԱԾԸ, ԲԱՅՑ ԴԵՌ ՈՒՆԵ՞Ք ՀԱՐՑԵՐ

ԻՆՉՊԵ՞Ս ՄԵԿՆԵՄ ԵԳԻՊՏՈՍ

Ստորև ներկայացված են ավիատոմսեր վաճառող լավագույն կայքերը, որտեղ դուք կարող եք գնել ավիատոմսեր ցանկացած ուղություններով, այդ թվում՝ Եգիպտոս:

ԱՄՓՈՓՈՒՄ

Ոչ միայն Եգիպտոս, այլ նաև ցանկացած այլ երկիր զբոսաշրջության մեկնելիս նախապես ծանոթացեք.

• տեղի օրենքներին,
• բարքերին,
• այլ մանրամասներին:

Էջի Ասույթը

Երբ արտասահմանում ճանապարհորդում ես, ավելի շատ բան ես սովորում քո երկրի մասին

 — Քլինթ Բորգեն ՝ ամերիկացի գործարար