ԿԵՐԱՄՈԳՐԱՆԻՏԵ ՍԱԼԻԿՆԵՐ

Հակառակ իր անվան՝ երեսպատման նյութը ոչ մի կապ չունի բնական գրանիտի հետ։ Անունը ստեղծվել է իտալական արտադրողի կողմից, որի համար պատճառ է հանդիսացել գրանիտի նման ամրություն ունենալը: Կերամոգրանիտե և կերամիկական սալիկների միջև տարբերությունը ընկած է արտադրության գործընթացի հենց սկզբից.

• Հումքի պատրաստում: Լիցքը պատրաստված է սպիտակ այրվող կաոլինից և իլիտային կավից; հավելումը ավազն է և սպարը: Ծակոտկեն առաջացնող նյութեր չեն օգտագործվում, ինչի պատճառով արտադրանքի կառուցվածքը ավելի խիտ է դառնում,
• Մակերևութային ակտիվ նյութերի ավելացում խառնուրդին: Դրանք անհրաժեշտ են խառնուրդի բաղադրիչների միջև ներքին շփումը նվազեցնելու համար,
• Կաղապարում: Նախապատրաստուքը ստացվում է ավելի բարձր ճնշման տակ սեղմելով, քան սալիկների համար ( 500 ՄՊա ): Մակերևութային ակտիվ նյութերի ավելացումը հեշտացնում է նախապատրաստուքի խտացումը,
• Թրծում: Թրծումը կատարվում է 1250-1300 °C ջերմաստիճանում: Այս ջերմությունը նյութին տալիս է գրանիտի կարծրություն,
• Գույնը: Արտադրանքին գույն տալու համար օգտագործվում են զանազան հանքային պիգմենտներ և արդյունքում պատրաստի արտադրանքը ունենում է միատեսակ գույն: Երբեմն դեկորացիայի համար օգտագործվում է ջնարակ, փայլեցում, ստեղծում են մակերեսի ռելիեֆային հյուսվածք։

ԿԵՐԱՄԻԿԱԿԱՆ ՍԱԼԻԿՆԵՐ

Երբեմն ( եթե չափերն ու դիզայնը նույնն են ) կերամիկական սալիկը տեսողականորեն չի տարբերվում դասական կերամոգրանիտե սալիկից, բայց նմանությունն ավարտվում է դրանով: Դրանց արտադրության մեջ օգտագործվող գործընթացները տարբերվում են շատ մանրամասներով: Կերամիկական սալիկները անցնում են հետևյալ արտադրական փուլերը.

• Հումքի նախապատրաստում: Սալիկը պատրաստված է սովորական կարմիր կամ սպիտակ ( կաոլին ) կավից։ Ծակոտկենությունը մեծացնելու և քաշը նվազեցնելու համար կավե զանգվածը խառնում են ծակոտկենություն առաջացնող նյութերի հետ ( թեփ, ածուխ, տորֆի փոշի, մոխիր )։
• Խառնուրդի պատրաստում: Նախնական բաղադրիչները մանրացվում են, ավելացվում են քվարց և դաշտային սպաթ,
• Թրծման նախապատրաստում: Օգտագործվում Է կաղապարման մեթոդը և նյութը սեղմվում մինչև 400 ՄՊա ճնշման տակ։ Այնուհետև, ստացվածը չորացնում են՝ ջուրը հեռացնելու համար,
• Թրծում: Տեղի է ունենում ջերմաստիճանի աստիճանական աճով ( 200-ից մինչև 1180 ° C ):
• Էմալապատում: Ջնարակը ( էմալը ) արտադրանքի մակերեսին կարելի է քսել ինչպես թրծելուց առաջ, այնպես էլ դրանից հետո։ Վերջին դեպքում սալիկները կրկին թրծվում են ( այսպես կոչված՝ կրկնակի թրծմամբ սալիկներ ): Եթե ​​ջնարակը քսվում է շերտերով (մի քանի անգամ ), ապա յուրաքանչյուր շերտ ամրացվում է թրծմամբ։

ԱՌԱՎԵԼՈՒԹՅՈՒՆՆԵՐ

Գործնականում կարելի է առանձնացնել կերամիկայի հետևյալ առավելությունները.

• Տեղադրելիս հարկ չկա հատակի մակերեսը լրացուցիչ հարթեցնել,
• կերամիկական սալիկի հետ ավելի հեշտ է աշխատել՝ այն թեթև է և ծակոտկեն։ Հեշտ է տեղավորել ոչ հասանելի տարածքներում՝ կարելի է կտրել սովորական ապակու կտրիչով,
• տան սեփականատերերն ունեն գունային, դիզայնի և հյուսվածքների գրեթե անվերջ ընտրություն: Սալիկապատ երեսպատումը նրբագեղ տեսք ունի և այն միշտ կարելի է համապատասխանեցնել ցանկալի ոճին: Սա այն է, ինչը հատկապես հստակորեն տարբերում է սալիկները կերամոգրանիտե սալիկներից:

ԹԵՐՈՒԹՅՈՒՆՆԵՐ

Թերություններ, որոնց պետք է ուշադրություն դարձնել.

• Ուլտրամանուշակագույն լույսի ազդեցության տակ ջնարակի գույնը կարող է ժամանակի ընթացքում գունաթափվել,
• ջնարակի վրա կարող են առաջանալ խազեր և ճաքեր։ Դա տեղի է ունենում մեխանիկական ազդեցությունների հետևանքով կամ եթե սալիկն ընտրվել է առանց աշխատանքային պայմանները հաշվի առնելու,
• սալիկներն օգտագործվում են բացառապես ներքին մակերեսները հարդարելու համար։

ԱՌԱՎԵԼՈՒԹՅՈՒՆՆԵՐ

• Ծառայության ժամկետը երկար է՝ 30-ից 100 տարի,
• ունի կարծրության և ամրության բարձր մակարդակ ( կարող եք չվախենալ ծանր առարկաների անկումից ),
• ատադրվում է էկոլոգիապես մաքուր նյութերից,
• կերամոգրանիտը պահանջում է նվազագույն խնամք՝ մակերեսի մաքրումն իրականացվում է սովորական խոնավ շորով,
• չի խամրում արևի տակ, ցրտադիմացկուն է և հարմար է օգտագործել դրսում և տանը,
• քիմիապես ակտիվ նյութերը չեն կարողանա խախտել ծածկույթի ամբողջականությունը,
• բնօրինակ տեսքն ու գույները թույլ կտան իրականացնել դիզայնի ցանկացած գաղափար։

ԹԵՐՈՒԹՅՈՒՆՆԵՐ

• Գինը բարձր է: Դա բացատրվում է երկար ու դժվարին արտադրությամբ,
• Խոնավության դեպքում հեշտ է սայթաքել,
• Վերամշակման և երեսապատման տեսանկյունից դժվար իրագործելի են: Ձեզ անհրաժեշտ կլինի պրոֆեսիոնալ վարպետների թիմ,
• նյութը ցածր ձայնամեկուսացում ունի,
• կերամոգրանիտը միշտ մնում է սառը: