Ի՞ՆՉ Է ՀԻՓՈԹԵՔԻ ՎԵՐԱՖԻՆԱՆՍԱՎՈՐՈՒՄԸ

Հիփոթեքային վարկի վերաֆինանսավորումը իրենից ներկայացնում է արդեն իսկ ստացված հիփոթեքի մնացորդ գումարի նկատմամբ կամ մի փոքր ավելի մասով նոր հիփոթեքի և նոր պայմաններով տրամադրում, որի պայմանները հիմնականում էականորեն տարբերվում են նախորդ հիփոթեքից: Այդ՝ տարբերվող պայմաններից սովորաբար հանդիսանում է ժամկետի երկարացումը, որը վարկառուին հնարավորություն է տալիս ավելի ցածր գումարներով կատարել ամսական վճարումները:

ՀԻՓՈԹԵՔԻ ՎԵՐԱՖԻՆԱՆՍԱՎՈՐՄԱՆ ԱՌԱՎԵԼՈՒԹՅՈՒՆՆԵՐՆ ԵՆ

• Երբ վերաֆինանսավորվող հիփոթեքային վարկը ունի ավելի ցածր տոկոսադրույք, ապա վարկառուն բնականաբար շատ կօգտվի և կվճարի համեմատաբար քիչ տոկոսադրույքներ:
• անշարժ գույքի հիփոթեքի վերաֆինանսավորման դեպքում, երբ ավելացվում է վճաման ժամկետը, նվազում են ամսական վճարումների գումարը, ինչը հեշտացնում է վարկառուի վճարման գործընթացը:
• հաճախ վերաֆինանսավորման ժամանակ վարկառուին տրամադրվում է մի փոքր ավելի գումար, քան նրա առկա պարտավորությունն է: Նման դեպքերում վարկառուն լրացուցիչ գումարը կարող է օգտագործել այլ գույք գնելու կամ այլ ծախսերի, մասնավորապես նորոգման համար:

ՀԻՓՈԹԵՔԻ ՎԵՐԱՖԻՆԱՆՍԱՎՈՐՄԱՆ ԹԵՐՈՒԹՅՈՒՆՆԵՐՆ ԵՆ

• Քանի որ հիփոթեքի վերաֆինանսավորումը իրենից ներկայացնում է նոր հիփոթեքի տրամադրում, հետևաբար վարկառուն կրկին անգամ պարտավոր է կատարել հիփոթեք ստանալու հետ կապված ծախսերը: Սակայն այդ ծախսերը բնականաբար փոխհատուցվում են ցածր տոկոսադրույքով:
• որքան էլ ասենք, որ նոր հիփոթեք ստանալուց վարկառուն հնարավոր է ցածր ամսական վճարումներ ունենա, այնուամենայնիվ վարկառուն ժամանակի հետաձգման հետևանքով վճարում է ավելի շատ տոկոսենր:

ԵԶՐԱԿԱՑՈՒԹՅՈՒՆ

Անշարժ գույքի հիփոթեքի վերաֆինանսավորման հարցը քննելիս վարկառուները պետք է մշտապես ուշադրություն դարձնեն վերաֆինանսավորվող հիփոթեքի տոկոսադրույքին և վերաֆինանսավորման ժամկետին և կատարեն համապատասխան հաշվարկները:

Այժմ դուք ավելի շատ եք տեղեկացված հիփոթեքի վերաֆինանսավորման վերաբերյալ և հուսով ենք, որ ներկայացված տեղեկատվությունը ձեզ օգտակար կլինի: Խնդրում ենք նաև հիշել և վերաֆինանսավորման գործարքից հետո ( BR ) BizRatings.online կայքում հայտնել ձեր կարծիքը բանկերի, վարկային կազմակերպությունների վերաբերյալ, որի համար ( BR ) BizRatings.online -ը նախապես հայտնում է

ՇՆՈՐՀԱԿԱԼՈՒԹՅՈՒՆ

Համոզված եղեք, որ ձեր կարծիքը շատ կարևոր և էական է: Դուք,

• նախ՝ կօգնեք համաքաղաքացիներին նույնպես կատարել ճիշտ ընտրություն և
• միաժամանակ կօգնեք բանկերին, վարկային կազմակերպություններին վերացնել սպասարկման առկա թերությունները, եթե այդպիսիք կլինեն:

Էջի Ասույթը

Ձգտեք ոչ թե հաջողության, ձգտեք լինել արժեքավոր

— Ալբերտ Էյնշտեյն